25-N Actividade desenvolvida polo CIM

Hoxe tivemos a visita de dúas representates do CIM (Centro de Información ás Mulleres) da comunidade de Santa Águeda para levar a cabo unha actividade por mor do 25N.

Nela participaron os alumnos e alumnas do primeiro ciclo de EP. Primeiro leron o documento "Nin un biquiño á forza" que casualmente tamén é o libro que estamos a traballar en todos os cursos do centro (infantil e primaria) durante esta semana para traballar sobre o día contra a violencia contra a muller.

A continuación fixeron varias actividades coa rapazada encamiñadas a concienciar sobre o tema que nos ocupa ademáis de tamén previr posibles abusos ou maltrato infantil. 

Grazas por visitarnos!!

TRABALLAMOS POLO MAGOSTO

Para celebrar o Magosto no cole o día 10 fixemos as xa tradicionais carreiras de San Martiño que debido ao tempo tivemos que realizalas no pavillón. A continuación todos xuntos cantamos e bailamos " A canción do Magosto" de 13 Lúas antes de pasar a unha rolda de xogos populares das que todos gozamos moito. Se clicades na foto, poderedes acceder a todas as fotos do día. 😀

Ademáis as diferentes clases traballaron a reo durante toda a semana con diferentes creacións moi orixinais e tradicionais para festexar esta data 🎉🎉. Aquí vos deixamos as fotografías.

ESTANTES NOVOS E ACTUALIZACIÓN DA SINALIZACIÓN NA BIBLIOTECA

O mes pasado chegaron os estantes altos que necesitábamos para rematar de amoblar a parede que está á dereita da porta. Así, cambiáronse os mobles baixos nos que estaban os recursos de inglés (infantil e 1º ciclo) e os de galego (1º ciclo) por uns estantes altos.

Nestes novos estantes temos centralizados nunha columna completa de andeis, os fondos en inglés (á dereita) e en dúas columnas completas á esquerda, os fondos de banda deseñada para todos os cursos. Na parte superior central temos todos os fondos catalogados dentro da CDU 5 (Matemáticas. Ciencias Naturais) e na parte inferior os recursos destinados ao primeiro ciclo de primaria.

Deste xeito, ao quitar inglés e banda deseñada para o 2º e 3º ciclo dos outros estantes, queda máis espazo tanto para estos ciclos como para as seccións de fondos informativos que se atopan nesa parede que tamén reubicamos ordenándoos de forma vertical en vez de horizontal quedando máis visibles as diferentes seccións.

Ademáis, cambiamos a sinalización das diferentes zonas para facilitar o acceso a todos os usuarios da biblioteca xa que, agora é moito máis fácil e funcional atopar os fondos que se precisen.

Estas dúas imaxes son da biblioteca como estaba antes e as seguintes amosan a biblioteca actual. 

A desfrutala!

ANTES:

AGORA:

NOVA SINALIZACIÓN:

Vídeos celebración Día Das Bibliotecas Escolares

 Aquí vos deixamos os vídeos da celebración do día das Bibliotecas Escolares. A ver se sodes quen de adiviñar o conto antes de que remate cada conto.

Acordádevos que en lugar de dicir o nome do protagonista do conto (sería moi fácil de acertar) sempre din o nome de Faragullas.

4º E 5º INFANTIL:

6º INFANTIL

1º PRIMARIA

2º PRIMARIA:

3º PRIMARIA

4º PRIMARIA

5º E  6º PRIMARIA

NOVEMBRO: MES DA CIENCIA EN GALEGO NAS BIBLIOTECAS

 Desde a Consellería de Cultura, Educación e Ordenación Universitaria estase a impulsar a celebración no mes de novembro como MES DA CIENCIA EN GALEGO NAS BIBLIOTECAS.

Na entrada á Biblioteca do Faragullas xa temos unha selección de libros en galego con temática cienfítica para que poidades desfrutar, aprender e experimentar con eles.

E desde a Asesoría de Bibliotecas Escolares realizouse unha compilación de RECURSOS DIXITAIS RELACIONADOS COA CIENCIA EN GALEGO que podedes consultar na ligazón anterior.

XORNAL ESCOLAR: UN MUSEO NO COLEXIO

O pasado mércores voltamos a saír na prensa. Desta volta, no Xornal Escolar que publica La Región onde aparece unha reportaxe do noso museo e a visita de Menchu Lamas e Antón Pulido a principios de outubro. Saíron todos moi guapos!!! 💓

CELEBRACIÓN DE SAMAIN E DO DÍA DAS BIBLIOTECAS ESCOLARES

Onte, 31 de outubro, celebramos o Samaín no cole e aproveitamos a festa para celebrar tamén o día das bibliotecas escolares: pola mañá organizamos unha busca do tesouro con diferentes obradoiros aterradores e pola tarde representamos diversos contos na biblioteca e sairon as mochilas viaxeiras para as primeiras casas da súa viaxe.

Xa para entrar ao colexio tiñamos que deternos a observar a gran "Exposición de Gatos Negros" que se organizou desde o cole pero na que as familas tiveron o papel protagonista: Menudos artistas están feitos!!!! 

MOITAS GRAZAS POLA VOSA COLABORACIÓN!!!👏👏👏👏

Coma o curso pasado, comezamos no patio das filas, facendo gruPos mixtos nos que había alumnado de todas as clases que levaban as chapas identificativas que estiveron elaborando as colaboradoras da biblioteca nesta semana:

Os grupos eran os seguintes:

1. VASOIRAS

2. PANTASMAS

3. SOMBREIROS

4. CABAZAS

5. CAVEIRAS

6. MORCEGOS

7. POTES

En cada grupo había un Capitán, un Secretario e un Encargado das Chapas. Cada grupo tiña que pasar polos sete obradoiros que estaban organizados selando en cada un deles a "compostela" que levaban, para poder conseguir no obradoiro final a chave que podería abrir a caixa secreta que contiña as pistas para descubrir cal sería o PDI deste curso.

Os obradoiros eran:

1. Tatuaxes na aula de 1º

2. Cadeiras musicais no hall de infantil

3. Coreografías arrepiantes na aula de música

4. Ricas vasoiras de bruxa no patio cuberto

5. Xogos con "ollos" no ximnasio

6. Monstro aterrador na aula Pulido

7. Contos de medo na biblioteca

Cando todos os grupos tiveron a súa chave, volvimos a xuntarnos no patio cuberto para tentar abrir a caixa que contiña pistas para adiviñar a temática do PDI deste curso.

Na caixa estaba Naturizo, un cunco para a sopa, unha frauta, un espello, unha mazá, unha cesta e uns papeis cun bolígrafo. Ao principio non entendían a relación pero ao fin decatáronse de que tiña que ver cos contos e cos folios en branco deduciron o tema:

ESCRITORES E ESCRITORAS DOS NOSOS CONTOS

E eles mesmos foron dicindo os contos aos que correspondía cada obxecto: Naturizo, Riciños de Ouro, O frautista de Hamelín, Brancaneves e os sete ananiños e Carapuchiña Vermella.

Gustou moito a idea e están ansiosos por comezar a investigar e traballar!!!

Pola tarde xuntámonos todos na biblioteca para conmemorar o día das Bibliotecas Escolares. Durante a semana anterior cada grupo/clase preparou dous contos moi coñecidos e sen sabelo xa estaban traballando no proxecto.

 Cada grupo representou unha escena dos contos escollidos e todos os demais tiñamos que adiviñar de que conto se trataba. Para non dar moitas pistas, se tiñan que dicir o nome do protagonista, na representación empregaban o nome de Faragullas no seu lugar. 

Fixérono todos xenial e adiviñamos todos os contos!!

4º e 5º de Infantil: Os Tres Porquiños e "A Ovelliña que veu a cear.

6º de Infantil: Carapuchiña Vermella e A boneca de Lucas

1º de EP: Os sete cabritiños e Corre, corre Cabaciña.

2º de EP: Guapa e Cocorico

3º de EP: Animalotes e Brancaneves e os sete ananiños

4º de EP: O fratuista de Hamelín e A Bela e a Besta

5º e 6º de EP: Daniela Pirata e O Principiño

Estade atentos que colgaremos os vídeos das diferentes actuacións!!

Por último, fixemos entrega das mochilas viaxeiras aos primeiros alumnos e alumnas de cada curso para que as levaran para a casa. Teñen 10 días para gozar delas! Aproveitádeos!!

Se queredes ver todas as fotos do día só tedes que facer click no seguinte enlace:

FOTOS SAMAÍN E DÍA DAS BIBLIOTECAS!!