O alumnado de 6º de EP foi o encargado de crear unha regueifa sobre o Ano Oteriano e a figura de Ramón Otero Pedrayo. Posteriormente o alumnado de 2º e 3º ciclo gravou a regueifa na aula de música e cantárona cando foron inaugurar o mural sobre Otero Pedrayo na Ínsua dos Poetas e tamén lla cantaron a Andrea cando nos veu visitar co documental "Ramón Otero Pedrayo, dereito á paisaxe"
Se clicades no seguinte enlace, accederedes ao audio do REGUEIFA:
O venres pasado, o alumnado de 3º a 6º de Educación Primaria desprazouse ata a Ínsua dos Poetas para participar na inauguración dun mural en honra a Ramón Otero Pedrayo.
Durante o acto, o alumnado do noso centro quixo renderlle homenaxe a Don Ramón recitando a regueifa preparada no transcurso deste curso, compartindo versos e palabras cargadas de emoción e admiración pola súa figura e legado. Ademais tamén amosaron o libro colaborativo sobre Ramón Otero Pedrayo explicando o seu proceso de elaboración desde a fase de investigación ata a fase final.
Unha experiencia moi especial para seguir achegándonos á nosa cultura e ás figuras máis importantes da literatura e da historia galega.
Podes ver as imaxes desta actividade na nosa galería clicando no mural de Don Ramón!
