Celebramos as Letras Galegas con "Danza na Praza" e bailando no patio

O día 13 de maio, para conmemorar o día das Letras Galegas deste curso, o alumnado de 2º e 3º ciclo participou nunha actividade organizada na Praza Maior de Ourense onde participaron máis de 300 escolares de centros de Ourense, A Valenzá, Verín, O Barco e  Chantada. A actividade estivo organizada polos docentes de música en colaboración co CFR de Ourense guiados por Artur Puga, percusionista, bailarín e coreógrafo.

Bailaron danzas de roda tradicionais e cantaron cantigas galegas acompañados por un grupo de pandereteiras e gaiteiros. Remataron bailando Foliada con Artur Puga. 

E como, todos no cole, aprendemos os bailes o venres 16 bailamos todos xuntos no patio todas as danzas tradicionais traballadas.

Para ver as imaxes, clicade no seguinte enlace:  DANZA NA PRAZA

Ademais, todos os centros participantes, levaban uns colgantes con pandeiretas feitas na impresora 3D. Quedaron chulísimas!

COMIDA CELEBRACIÓN 50 ANIVERSARIO

CELEBRAMOS O DÍA DA PAZ 2025

Este xoves día 30 celebramos no cole o Día Escolar pola Non Violencia e a Paz. Con este motivo os nenos e nenas colocaron as súas follas e desexos na nosa árbore da paz e crearon un mural nas clases de plástica. Os mestres e mestras traballaron que é a paz para cada un de nós nas aulas e, coas aportacións de todos e todas creamos unha canción para conmemorar este día.

Podedes ver as imaxes e o vídeo da canción facendo click na fotografía:

Celebramos o Nadal

E xa case remata o ano... Esta foi a postal realizada para felicitar as festas a toda a comunidade educativa elaborada a partir de dúas fotos: unha coas creacións feitas polo alumnado e as súas familias de diferentes tipos de folerpas que adornan a entrada ao colexio e outra coa árbore de Nadal decorada con diferentes motivos relacionados co 50 aniversario do centro que tamén preside a entrada ao centro.

Este curso para festexar estas datas organizamos un minifestival de Nadal: 

- O alumnado de 4º, 5º e 6º de Primaria organizou cadansúa coreografía que representaron no patio interior. 

- A continuación, todo o centro bailou "A Danzo do Oso".

- Finalmente pasamos ao ximnasio para poñer en escea as diferentes actuacións organizadas pola mestra de música: 

• O alumnado de 1º e 2º representou "Can can de Offenbach"
• O alumnado de 3º e 4º representaou "Marcha Radetzsky"
• Coas luces apagadas todo o centro interpretou a panxoliña "Folerpiña" (o alumnado do 3º ciclo tocaba percusión) cunha posta en escea impresionante na que todo o alumnado tiña luceciñas que ía movendo ao ritmo da canción.

Para rematar o trimestre, dirixímonos ao Campo do Souto para comer as 12 uvas acompañados por moitas familias e diferentes membros da comunidade educativa. Ademais volvimos bailar a Danza do Oso e cantamos Folerpiña. Foi algo diferente pero moi especial que xuntou a toda a comunidade educativa nun acto moi emotivo e divertido.

Se clicades na postal podedes acceder a todas as imaxes e vídeos da celebración:

FELIZ 2025!

CELEBRACIÓN DO DÍA DE ROSALÍA DE CASTRO E O 8M: O DÍA DA MULLER

O día 8 de marzo, tivemos celebración dobre: O Día de Rosalía de Castro e o Día da Muller para a que organizamos diferentes actividades. Ademais, esa semana estivemos pintando camisetas coas nosas mans para lucilas na celebración.

1. Presentación da edición especial do xornal:  AS NOVAS DO FARAGULLAS onde alumnado de cada curso nos contou que escritora investigaron, os datos máis relevantes da súa vida, o pseudónimo que tiña que empregar para asinar as súas obras e por que tiña que facelo así e non co seu verdadeiro nome.

2. Presentación da biografía de Rosalía de Castro en galego (1º e 2º EP) e en inglés (3º EP).

3. Recital de poemas de Rosalía de Castro (4º, 5º e 6º EP).

4. Interpretación do tema "O MOUCHO" (Infantil).

5. Coreografía grupal do tema "SOMOS LEGIOM" que aborda, a ritmo de muiñeira, o feminismo e o seu retrouso e parte do poema "Has de Cantar" de Rosalía.

6. Plantación dunha CAMELIA (planta representativa de Rosalía).

NO SEGUINTE ENLACE PODEREDES ACCEDER A TODAS AS FOTOS DO DÍA

FOTOS 8M

8M: Día Internacional da Muller (celebración)

A parte das actividades descritas en entradas anteriores hoxe tamén cantamos e bailamos dúas cancións para celebrar o Día Internacional da Muller:

A primeira "Chea de Vida" de Guadi Galego cantámola en linguaxe de signos. A profe Cris encargouse de preparala con todo o cole e fará un video que pronto colgaremos para que vexades o bonito resultado.

A segunda "Depende de los dos" xa é un himno do cole porque a cantamos e a bailamos todos os anos por esta data. Encántanos!!!

Aquí vos deixamos os vídeos agardando que vos gusten:

Chea de vida

Depende de los dos

CELEBRACIÓN DO DÍA DE ROSALÍA DE CASTRO (8M)

Como punto e aparte ás diferentes actividades realizadas durante estas últimas semanas para conmemorar o día de Rosalía de Castro, hoxe, coincidindo coas celebracións do 8M, o alumnado de infantil recitou o poema "Parece unha rosa" e o alumnado de 3º e 4º recitou o poema "Maio longo".

Ademáis como parte das actividades propostas por parte da Asociación de Escritoras e Escritores en Lingua Galega para a celebración do Día de Rosalía de Castro, o alumnado de Infantil e do 1º ciclo de Primaria traballou con xornais e revistas buscando imaxes relacionadas con sentimentos, emocións ou cousas que están a acontecer no mundo, traballando tamén así a Semana da Prensa na que estamos inmersos. Despois de recortar as imaxes, escribiron unha palabra relacionada con cada unha e decoraron o traballo final. Nos actos de celebración do día de hoxe cada un dixo a súa palabra e amosou a imaxe elixida. Nos próximos días colgaranse polos corredores.

Aquí vos deixamos os vídeos das palabras traballadas e dos recitados dos poemas.

Aula 3 e 4 anos

Aula de 4 e 5 anos 

Aula de 1º de EP

Aula de 2º de EP

Aula de 3º e 4º de EP