No mes de abril, o xornal Nós, publicou un coleccionable sobre Ramón Otero Pedrayo "Nación Otero". Desde o centro adquirimos todos os números e traballamos arreo nas súas páxinas para seguir coas nosas investigacións acerca de Don Ramón.
Tamén traballamos co material complementaria de LA REGIÓN:
Ademais, na porta da aula de 6º temos as diferentes novas que fomos atopando na prensa que tamén nos serviron de fontes documentais e coas que organizamos unha pequena exposición na súa honra.
No marco da Semana da Prensa, un xornalista de "La Voz de Galicia" visitou o noso centro para explicar como se estrutura unha noticia e os seus elementos clave. O alumnado de 5º e 6º aprendeu sobre obxectividade, linguaxe clara e verificación das fontes.
Tras a explicación, puxeron en práctica os coñecementos redactando as súas propias noticias. A experiencia resultou moi enriquecedora, fomentando o pensamento crítico e a análise da información.
Tedes a galería de fotos clicando na seguinte imaxe:
Hoxe, celébrase o Día da Muller e desde o cole, como xa comentamos nun post anterior imos celebralo xuntamente co día de Rosalía (23 de febreiro) por ser unha das más mulleres máis importantes no panorama nacional.
Aproveitando que estamos inmersos tamén na Semana da Prensa e de que estamos traballando con escritores e escritoras no noso proxecto, elaboramos un xornal:
AS NOVAS DO FARAGULLAS.
Nel podemos atopar o programa deste día conmemorativo, diferentes poemas feministas de Rosalía, as seccións de pasatempos e de horóscopo e tamén as diferentes investigacións realizadas polos distintos cursos sobre escritoras que tiveron que asinar as súas obras con psecudónimos xa que non podían firmalas co seu verdadeiro nome por seren mulleres.
Se clicades na portada do mesmo, poderes acceder ao xornal e lelo completo.
(Unha vez dentro do xornal, se clicades nos tres puntos na parte inferior dereita e logo en FULL SCREEN, poderedes velo a pantalla completa)
