Vídeos: Lingua Guapa e Versión Ao Pasar por Amoeiro

 Aquí vos deixamos os vídeos que fixo a profe Cris das cancións que cantamos este ano no festival das Letras Galegas:

LINGUA GUAPA:

AO PASAR POR AMOEIRO:

ACTIVIADES COA MESA DE LUZ

Hoxe estivemos experimentando coa mesa de luz, aprendendo máis cousas sobre as cores. 

Primeiro xogaron cos dicos de cores e miramos que pasaba se lle cambiabamos a cor de fondo á mesa, estaban moi sorprendidos.

Despois estiveron decorando unhas mandalas cos discos e estivemolas cambiando de cor. Gustoulles moito a actividade!!!

DÍA DAS LETRAS GALEGAS 2023

 Onte celebramos no cole o Día das Letras Galegas cun gran festival no que houbo un pouco de todo. Este ano o homenaxeado foi Francisco Fernádez del Riego cuxo retrato (elaborado polo pintor Antón Pulido) presidiu todo o festival dende o alto da parede. Nesa parede tamén fomos poñendo as palabras que aparecen na canción "Lingua Guapa", formándose un gran mural conmemorando o día das nosas letras. Por este motivo, o libro Lingua Guapa estivo presente no carriño de BIBLIOPATIO dende que comezou a saír ao patio no lecer. 

O festival foi moi divertido e tivemos varias actuacións:

- O alumnado de Infantil recitou uns divertidos refráns elaborados polas mestras relacionados cos meses do ano. Á súa vez, o alumnado de 1º e 2º de EP recitaba uns refráns populares galegos relacionados coa mesma temática. Quedou unha actuación moi orixinal!!

- O alumnado de 3º e 4º representou a obra "O casamento da Pulga e o Piollo" con final feliz para todos os convidados.

- O alumnado de 5º e 6º recitou unhas coplas elaboradas por eles mesmos nas que falaban e criticaban temas de actualidade.

- A continuación Lidia e Sara cantaron a canción "Ao pasar por Camariñas" adaptada por Elvira á "Ao pasar por Amoeiro". Acompañáronas Sarah tocando a frauta traveseira, Diego o clarinete, Izan o oboe,  Sabela e Dakota os teclados e a profe Cris tocando a guitarra. Fixeron unha versión preciosa da coñecida canción.

- Despois, todos cantamos a canción Lingua Guapa na que cada curso tiña que cantar unha estrofa concreta. Sabíana moi ben!

- Finalmente, todos xuntos, bailamos a Global Muiñeira para darlle punto final a este divertido festival.

Se picades na imaxe, poderedes acceder a todas as fotos do día e estade moi atentos porque nuns días poderemos desfrutar da canción de "Lingua Guapa" e da versión "Ao Pasar por Amoeiro".

DISCOS VOADORES!

 O alumnado de 5º e 6º realizou un obradoiro de discos voantes con todo o aprendido en matemáticas e coa súa creatividade fixeron uns bonitos discos para xogar. Se picades na imaxe podedes ver as diferentes fotos.

Aula "Acollida Temperá"

 Estade moi atentos porque moi pronto esta aula cambiará de nome e de aspecto!!!