RECUNCHO DO BENESTAR - NOVIDADES

 No "recuncho do benestar" temos novo mobiliario e novos fondos. Ademais xa están etiquetas coa pegatina laranxa todos os libros e xogos desta zona para poder identificalos fácilmente.

NOVOS ESTANTES

Xa temos novos estantes na biblioteca!! Agora que temos a ludoteca no patio de filas. Só deixamos uns pouquiños na biblioteca e para ordenalos mercamos este moble con gabetas para telos todos colocadiños. Ademais mercamos o estante superior para albergar máis libros da sección infantil.

RECUNCHO DO BENESTAR

E xa temos rematado o noso Recuncho do Benestar no hall de Infantil. Aquí temos unha selección de libros e xogos relacionados co tema como poden ser emocións, diversidade, inclusión, autoestima, etc.

Estos recursos tamén se poden levar en préstamo nas mesmas condicións que os do Recuncho Violeta e que os fondos que están na biblioteca ou no corredor.

Gozade das lecturas!!

ESTANTES NOVOS PARA O CORREDOR

Como xa vos adiantabamos nun post anterior, mercáronse novos estantes para o corredor da biblioteca. Asi os fondos da CDU 7 que estaban no corredor que daba a aula Pulido agora están nestes estantes e os xogos da ludoteca están no seu recuncho no patio das filas. A CDU 3 tamén segue no corredor e as revistas do Faragullas están ao carón da porta da biblioteca. 

Agora temos moito máis espazo para adicarlle ás exposicións e, como a biblioteca se nos segue quedando pequena, cabe a posibilidade de pasar algún outro número da CDU para esta zona.

DÍA DO CÓMIC 2025

Hoxe celébrase o Día do Cómic e ao carón da porta da biblioteca do Faragullas xa temos unha selección de cómics para que poidades desfrutar. Ademais, tamén puxemos unha sección vintage grazas a algúns exemplares emprestados pola mestra Ana. Moitas grazas!

Por outra banda, tamén podedes ver os novos estantes que están no corredor da biblioteca: como se nos facía pequena, decidimos externalizar algúns recursos. Xa comezamos co recuncho violeta que está no patio de filas e aínda falta outra sorpesiña máis. Estade moi atentos!

Mesas e sillas novas na Pulido

 Por fin temos mobiliario novo no espazo creativo Antón Pulido. Con parte do premio que obtivemos no concurso por proxectos mercamos mesas e sillas novas para esta aula. 

Quedaron moi chulas!!!

ESTANTES NOVOS E ACTUALIZACIÓN DA SINALIZACIÓN NA BIBLIOTECA

O mes pasado chegaron os estantes altos que necesitábamos para rematar de amoblar a parede que está á dereita da porta. Así, cambiáronse os mobles baixos nos que estaban os recursos de inglés (infantil e 1º ciclo) e os de galego (1º ciclo) por uns estantes altos.

Nestes novos estantes temos centralizados nunha columna completa de andeis, os fondos en inglés (á dereita) e en dúas columnas completas á esquerda, os fondos de banda deseñada para todos os cursos. Na parte superior central temos todos os fondos catalogados dentro da CDU 5 (Matemáticas. Ciencias Naturais) e na parte inferior os recursos destinados ao primeiro ciclo de primaria.

Deste xeito, ao quitar inglés e banda deseñada para o 2º e 3º ciclo dos outros estantes, queda máis espazo tanto para estos ciclos como para as seccións de fondos informativos que se atopan nesa parede que tamén reubicamos ordenándoos de forma vertical en vez de horizontal quedando máis visibles as diferentes seccións.

Ademáis, cambiamos a sinalización das diferentes zonas para facilitar o acceso a todos os usuarios da biblioteca xa que, agora é moito máis fácil e funcional atopar os fondos que se precisen.

Estas dúas imaxes son da biblioteca como estaba antes e as seguintes amosan a biblioteca actual. 

A desfrutala!

ANTES:

AGORA:

NOVA SINALIZACIÓN:

NOVAS CADEIRAS!!!

 O luns chegaron as cadeiras novas para a Biblioteca do Faragullas. Despois de facer un gran traballo montándoas, aquí vos deixamos as fotos do coloridoa qeu quedou!! 😍

Nova Adquisición

 Hoxe chegounos un novo puff para a biblio, cadra perfectamente coa bancada debaixo da árbore das novidades. Esperamos que sexa cómodo e que o desfrutedes moito!

REMODELACIÓN DO CORREDOR ENFRONTE DA BIBLIOTECA

 Como a nosa biblioteca se nos queda pequena estivemos remodelando o corredor que temos enfronte dela para colocar alí os xogos que fomos adquirindo neste curso e os fondos informativos con CDU 0: dicionarios, enciclopedias, etc.

Tamén cambiamos os armarios de metal que había por outros máis funcionais e motivadores. Aínda queda traballo por facer pero este corredor XA PARECE OUTRO!

Seguiremos pasando algunhas seccións para este lugar das que xa vos iremos informando!!!

Aquí vos deixamos o antes e o despois da remodelación:

ANTES!!!

DESPOIS!!

Novo mobiliario

O día de 16 de marzo, recibimos esta nova libraría, e así está xa colocada a día de hoxe. 

Só nos faltaría unha para ter completada a biblioteca. 

Nos andeis baixos colocáronse os fondos para o primeiro ciclo en castelán, quedando nos máis altos os fondos relacionados coas ciencias (CDU número 5).