GALICIA MÁXICA

Dentro das actividades de Samaín e coordinado polo Equipo de Dinamización de Lingua Galega elaboraouse o libro "Galicia Máxica": cada curso elixiu un ser mitolóxico galego para facer unha pequena investigación e completar unha páxina do libro cooperativo que xa está na biblioteca do Faragullas para que poidades consultar.

Grazas a todos polo gran traballo realizado!

SAMAÍN

O xoves pasado día 30 celebramos no centro o Samaín e a biblioteca albergou un dos sete obradoiros organizados para festexar o día: "Contos de Medo". Todos os grupos mixtos (con alumnado de todas as idades) foron pasando pola Biblioteca do Faragullas para escoitar e/ou ler uns contos. Os elexidos desta quenda foron "Os esqueletos divertidos" e "Un vampiro peligrozo". Se clicades nas portadas dos libros, accederedes a todas as imaxes do día.

Ademais xa levamos uns días coa exposición de libros aterradores no corredor da Biblioteca do Faragullas. 

Grazas aos colaboradores da Biblioteca por axudar na elaboración do mural que preside a exposición.

Ademais, quedou unha expoisicón moi creativa e orixinal de mouchos e curuxas grazas á colaboración das familias do alumnado.

Samaín (posta en marcha do PDI)

Onte, día 30 de outubro celebramos Samaín pola mañá e o Día das Bibliotecas Escolares pola tarde. 

Coma nos últimos curso, organizáronse 7 grupos mixtos que ían pasando polos 7 obradoiros organizados.

GRUPOS: 

VASOIRAS

POTES

BRUXAS

CABAZAS

PANTASMA

CAVEIRAS

MORCEGOS

OBRADOIROS:

Experimento (volcán en erupción)

Conto "Corre, Corre Cabaciña"

Manualidade: marcapáxinas de medo

Tatuaxes terroríficas

Cadeiras musicais

Coreografías espeluznantes

Xogos con ollos

En cada obradoiro polo que pasaban, ían selando as compostelas e no último, despois de comprobar que tiñan todos os selos, obtiñan unha peza dun puzzle que terían que montar entre os 7 grupos para conseguir a combinación que abría o cofre do tesouro coas pistas para o PDI deste curso: "Estamos de aniversario: 50 anos do cole".

Este é o puzzle que tiñan que montar e a combinación que abría a cofre era o ano de nacemento de Ramón Otero Pedrayo: 1888. No cofre había obxectos para a celebración de aniversarios (candeas, gorros...), libros de 1974 e libros de Ramón Otero Pedrayo.

Se clicades no seguinte enlace podedes ver todas as fotos do día: FOTOS SAMAÍN

EXPOSICIÓN SAMAÍN

 Xa temos preparada unha selección de lecturas aterradoras para celebrar este Samaín, pasádevos polo corredor da biblioteca e seleccionade o que máis medo vos desperte!!!
BOAS LECTURAS!

CELEBRACIÓN DE SAMAIN E DO DÍA DAS BIBLIOTECAS ESCOLARES

Onte, 31 de outubro, celebramos o Samaín no cole e aproveitamos a festa para celebrar tamén o día das bibliotecas escolares: pola mañá organizamos unha busca do tesouro con diferentes obradoiros aterradores e pola tarde representamos diversos contos na biblioteca e sairon as mochilas viaxeiras para as primeiras casas da súa viaxe.

Xa para entrar ao colexio tiñamos que deternos a observar a gran "Exposición de Gatos Negros" que se organizou desde o cole pero na que as familas tiveron o papel protagonista: Menudos artistas están feitos!!!! 

MOITAS GRAZAS POLA VOSA COLABORACIÓN!!!👏👏👏👏

Coma o curso pasado, comezamos no patio das filas, facendo gruPos mixtos nos que había alumnado de todas as clases que levaban as chapas identificativas que estiveron elaborando as colaboradoras da biblioteca nesta semana:

Os grupos eran os seguintes:

1. VASOIRAS

2. PANTASMAS

3. SOMBREIROS

4. CABAZAS

5. CAVEIRAS

6. MORCEGOS

7. POTES

En cada grupo había un Capitán, un Secretario e un Encargado das Chapas. Cada grupo tiña que pasar polos sete obradoiros que estaban organizados selando en cada un deles a "compostela" que levaban, para poder conseguir no obradoiro final a chave que podería abrir a caixa secreta que contiña as pistas para descubrir cal sería o PDI deste curso.

Os obradoiros eran:

1. Tatuaxes na aula de 1º

2. Cadeiras musicais no hall de infantil

3. Coreografías arrepiantes na aula de música

4. Ricas vasoiras de bruxa no patio cuberto

5. Xogos con "ollos" no ximnasio

6. Monstro aterrador na aula Pulido

7. Contos de medo na biblioteca

Cando todos os grupos tiveron a súa chave, volvimos a xuntarnos no patio cuberto para tentar abrir a caixa que contiña pistas para adiviñar a temática do PDI deste curso.

Na caixa estaba Naturizo, un cunco para a sopa, unha frauta, un espello, unha mazá, unha cesta e uns papeis cun bolígrafo. Ao principio non entendían a relación pero ao fin decatáronse de que tiña que ver cos contos e cos folios en branco deduciron o tema:

ESCRITORES E ESCRITORAS DOS NOSOS CONTOS

E eles mesmos foron dicindo os contos aos que correspondía cada obxecto: Naturizo, Riciños de Ouro, O frautista de Hamelín, Brancaneves e os sete ananiños e Carapuchiña Vermella.

Gustou moito a idea e están ansiosos por comezar a investigar e traballar!!!

Pola tarde xuntámonos todos na biblioteca para conmemorar o día das Bibliotecas Escolares. Durante a semana anterior cada grupo/clase preparou dous contos moi coñecidos e sen sabelo xa estaban traballando no proxecto.

 Cada grupo representou unha escena dos contos escollidos e todos os demais tiñamos que adiviñar de que conto se trataba. Para non dar moitas pistas, se tiñan que dicir o nome do protagonista, na representación empregaban o nome de Faragullas no seu lugar. 

Fixérono todos xenial e adiviñamos todos os contos!!

4º e 5º de Infantil: Os Tres Porquiños e "A Ovelliña que veu a cear.

6º de Infantil: Carapuchiña Vermella e A boneca de Lucas

1º de EP: Os sete cabritiños e Corre, corre Cabaciña.

2º de EP: Guapa e Cocorico

3º de EP: Animalotes e Brancaneves e os sete ananiños

4º de EP: O fratuista de Hamelín e A Bela e a Besta

5º e 6º de EP: Daniela Pirata e O Principiño

Estade atentos que colgaremos os vídeos das diferentes actuacións!!

Por último, fixemos entrega das mochilas viaxeiras aos primeiros alumnos e alumnas de cada curso para que as levaran para a casa. Teñen 10 días para gozar delas! Aproveitádeos!!

Se queredes ver todas as fotos do día só tedes que facer click no seguinte enlace:

FOTOS SAMAÍN E DÍA DAS BIBLIOTECAS!!

LECTURAS ATERRADORAS PARA SAMAÍN

E seguimos traballando para festexar o SAMAÍN.

Desta volta, organizamos unha exposición de 

"Lecturas Aterradoras"

 á entrada á Biblioteca do Faragullas. 

Quedou arrepiante!

OBRADOIRO DE CHAPAS PARA SAMAÍN

No cole xa estamos preparando todo para celebrar o SAMAÍN. Esta semana tocou obradoiro de chapas para organizar os grupos que participarán nos diferentes obradoiros que se realizarán o día 31 de outubro. 
Grazas ao alumnado do terceiro ciclo por participar voluntariamente na súa confección.

SAMAÍN

 Hoxe festexamos Samaín no cole. Ademáis da gran exposición de PANTASMAS (clicade e verédela), organizamos unha gran busca do tesouro.

Comezamos no patio das filas, facendo grupos mixtos nos que había alumnado de todas as clases que levaban as chapas identificativas que estiveron elaborando as colaboradoras da biblioteca nesta semana:

Os grupos eran os seguintes:

1. VASOIRAS

2. PANTASMAS

3. SOMBREIROS

4. CABAZAS

5. CAVEIRAS

6. MORCEGOS

7. POTES

En cada grupo había un Capitán, un Secretario e un Encargado das Chapas. Cada grupo tiña que pasar polos sete obradoiros que estaban organizados selando en cada un deles a "compostela" que levaban, para poder conseguir no obradoiro final a chave que podería abrir a caixa secreta. 

Os obradoiros eran:

1. Cadeiras musicais

2. Manualidade "Monstro" na biblioteca

3. Tatuaxes

4. Experiencias TICrroríficas

5. Contacontos de medo no que os pequenos lle leron os pequenos contos aterradores da biblioteca e o alumnado de 2º leulle ao resto do seu grupo o conto que eles mesmos elaboraron durante esta semana. Quedoulles moi divertido!!

6. Coreografías aterradoras

7. Xogos de Samaín 

Cando todos os grupos tiveron a súa chave, volvimos a xuntarnos no patio cuberto para tentar abrir a caixa que contiña pistas para adiviñar a temática do PDI deste curso.

Dentro da caixa había unha paleta, pinceis, pinturas e cadros en minituara, polo que, non tardaron en descubrir que o PDI deste curso será "A pintura: pintores e pintoras".  

E para comezar co proxecto en Samaín, que mellor que facer un "photocall" co cadro "O GRITO" de Munch. Todo o alumnado pasou por el e quedaron uns cadros espectaculares. 

Temos que agradecerlle á profe ROSA o seu gran traballo facendo a réplica: 

MOITAS GRAZAS!! 😀😀

Por último proclamáronse os gañadores e gañadoras do Concurso de Relatos de Terror no que participou o alumnado de 2º e 3º ciclo aos que se lle deu tamén un pequeno agasallo:

 Daniel, Inés, Sarah e Lidia. 

PARABÉNS A TODOS!!! 👏👏👏

Se queredes ver o resto das fotos do día, só tedes que picar no seguinte enlace:

FOTOS SAMAÍN