DÍA DAS BIBLIOTECAS ESCOLARES

 Hoxe, 24 de outubro, celebramos o Día das Bibliotecas cunha visita moi especial: recibimos a Celso Sanmatín que nos contou un montón de historias cheas de misterio e emoción. É sempre un pracer telo con nós para que nos deleite coas seus contos. 

Tras escoitar os seus contos, realizamos a entrega das mochilas viaxeiras, unha por curso, que iniciarán o seu percorrdio por todas as casas do alumnado ao longo de do curso.

Tamén se organizou unha pequena exposición ao carón da porta da Biblioteca do Faragullas para conmemorar este día.

DÍA DAS BIBLIOTECAS ESCOLARES

Como xa sabades, o pasado mércores, 30 de outubro, celebramos Samaín pola mañá e o Días da Biblioteca Escolares pola tarde.

O alumnado de 6º de EP, coa axuda da profe Tania, organizou unha representación do conto "Guapa" coa técnica de teatro de luz negra. Quedoulles fenomenal! Aquí vos deixamos o vídeo da actuación. 

PARABÉNS! 👏👏

Ademais, coma nos últimos anos, déuselle saída ás mochilas viaxeiras en cada clase; podedes ver a fotografía no seguinte enlace.

DÍA DAS BIBLIOTECAS ESCOLARES!!

Hoxe celébrase o día das Bibliotecas Escolares e xa temos todo preparado para festaxalo o próximo mércores día 30 coincidindo coa celebración de Samaín. 

O alumnado de 6º EP tennos unha sorpresa preparada coa axuda da mestra Tania. 😍

Ademais tamén comezarán a viaxar as mochilas viaxeiras!!

Vídeos celebración Día Das Bibliotecas Escolares

 Aquí vos deixamos os vídeos da celebración do día das Bibliotecas Escolares. A ver se sodes quen de adiviñar o conto antes de que remate cada conto.

Acordádevos que en lugar de dicir o nome do protagonista do conto (sería moi fácil de acertar) sempre din o nome de Faragullas.

4º E 5º INFANTIL:

6º INFANTIL

1º PRIMARIA

2º PRIMARIA:

3º PRIMARIA

4º PRIMARIA

5º E  6º PRIMARIA

CELEBRACIÓN DE SAMAIN E DO DÍA DAS BIBLIOTECAS ESCOLARES

Onte, 31 de outubro, celebramos o Samaín no cole e aproveitamos a festa para celebrar tamén o día das bibliotecas escolares: pola mañá organizamos unha busca do tesouro con diferentes obradoiros aterradores e pola tarde representamos diversos contos na biblioteca e sairon as mochilas viaxeiras para as primeiras casas da súa viaxe.

Xa para entrar ao colexio tiñamos que deternos a observar a gran "Exposición de Gatos Negros" que se organizou desde o cole pero na que as familas tiveron o papel protagonista: Menudos artistas están feitos!!!! 

MOITAS GRAZAS POLA VOSA COLABORACIÓN!!!👏👏👏👏

Coma o curso pasado, comezamos no patio das filas, facendo gruPos mixtos nos que había alumnado de todas as clases que levaban as chapas identificativas que estiveron elaborando as colaboradoras da biblioteca nesta semana:

Os grupos eran os seguintes:

1. VASOIRAS

2. PANTASMAS

3. SOMBREIROS

4. CABAZAS

5. CAVEIRAS

6. MORCEGOS

7. POTES

En cada grupo había un Capitán, un Secretario e un Encargado das Chapas. Cada grupo tiña que pasar polos sete obradoiros que estaban organizados selando en cada un deles a "compostela" que levaban, para poder conseguir no obradoiro final a chave que podería abrir a caixa secreta que contiña as pistas para descubrir cal sería o PDI deste curso.

Os obradoiros eran:

1. Tatuaxes na aula de 1º

2. Cadeiras musicais no hall de infantil

3. Coreografías arrepiantes na aula de música

4. Ricas vasoiras de bruxa no patio cuberto

5. Xogos con "ollos" no ximnasio

6. Monstro aterrador na aula Pulido

7. Contos de medo na biblioteca

Cando todos os grupos tiveron a súa chave, volvimos a xuntarnos no patio cuberto para tentar abrir a caixa que contiña pistas para adiviñar a temática do PDI deste curso.

Na caixa estaba Naturizo, un cunco para a sopa, unha frauta, un espello, unha mazá, unha cesta e uns papeis cun bolígrafo. Ao principio non entendían a relación pero ao fin decatáronse de que tiña que ver cos contos e cos folios en branco deduciron o tema:

ESCRITORES E ESCRITORAS DOS NOSOS CONTOS

E eles mesmos foron dicindo os contos aos que correspondía cada obxecto: Naturizo, Riciños de Ouro, O frautista de Hamelín, Brancaneves e os sete ananiños e Carapuchiña Vermella.

Gustou moito a idea e están ansiosos por comezar a investigar e traballar!!!

Pola tarde xuntámonos todos na biblioteca para conmemorar o día das Bibliotecas Escolares. Durante a semana anterior cada grupo/clase preparou dous contos moi coñecidos e sen sabelo xa estaban traballando no proxecto.

 Cada grupo representou unha escena dos contos escollidos e todos os demais tiñamos que adiviñar de que conto se trataba. Para non dar moitas pistas, se tiñan que dicir o nome do protagonista, na representación empregaban o nome de Faragullas no seu lugar. 

Fixérono todos xenial e adiviñamos todos os contos!!

4º e 5º de Infantil: Os Tres Porquiños e "A Ovelliña que veu a cear.

6º de Infantil: Carapuchiña Vermella e A boneca de Lucas

1º de EP: Os sete cabritiños e Corre, corre Cabaciña.

2º de EP: Guapa e Cocorico

3º de EP: Animalotes e Brancaneves e os sete ananiños

4º de EP: O fratuista de Hamelín e A Bela e a Besta

5º e 6º de EP: Daniela Pirata e O Principiño

Estade atentos que colgaremos os vídeos das diferentes actuacións!!

Por último, fixemos entrega das mochilas viaxeiras aos primeiros alumnos e alumnas de cada curso para que as levaran para a casa. Teñen 10 días para gozar delas! Aproveitádeos!!

Se queredes ver todas as fotos do día só tedes que facer click no seguinte enlace:

FOTOS SAMAÍN E DÍA DAS BIBLIOTECAS!!

FELIZ DÍA DAS BIBLIOTECA ESCOLARES!!!

Hoxe, 24 de outubro, é o día das Bibliotecas Escolares.

"O lema deste ano, "Tecendo Comunidades", pretende destacar o papel fundamental que desempeñan as bibliotecas na construción de lazos fortes dentro das nosas comunidades" 

"A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

 

Este curso, o lema das bibliotecas escolares de Galicia  UNHA BIBLIOTECA ESCOLAR EN VIÑETAS , e  quere poñer o foco na importancia do cómic na formación do itinerario lector, o cómic como un lugar no que encontrarse".

No cole, ímolo celebrar o próximo martes día 31 e xa imos tendo todo preparado. Haberá sorpresas!!!

Non volo podedes perder!!!😜😜

DÍA DAS BIBLIOTECAS ESCOLARES!

Hoxe celebramos o Día das Bibliotecas Escolares no cole.

Se clicades nesta mensaxe accederedes a todas as fotos do día pero aquí vos deixamos un resumo da xornada.

Este curso contamos co noso mestre de 1º, Xabier Domínguez Pérez, que tamén é escritor e editor e aceptou a invitación da biblioteca do Faragullas para festexar este día con nós.

 Moitas grazas profe Xabi!! 😀😀

Ademáis veu acompañado de moitos dos seus libros:

Co alumnado de infantil e 1º ciclo organizou un contacontos dos seus libros máis infantís cos que desfrutaron moito: Naturizo, O Xigante de Allariz e Fronteiras de Papel. 

 Co resto de alumnado levou a cabo dous pequenos obradoiros: un sobre como nace e se crea un libro cos que animou aos rapaces e ás rapazas á escribir e outro de escritura creativa cos que pasamos un momento divertido, mágoa que non dira tempo a máis.

Ademáis agasallounos e adicounos un dos seus libros: 

MOITÍSIMAS GRAZAS!!! 👏👏

Por último, tamén comezaron a súa viaxe ás mochilas viaxeiras. 

Desexamos que desfrutes delas!!! 😊

DÍA DAS BIBLIOTECAS ESCOLARES!!!

O próximo luns, 24 de outubro, celébrase o Día das Bibliotecas Escolares e coma todos os anos xa temos todo preparado para festexalo. 

Este ano visítanos un mestre, escritor e editor galego de literatura infantil e xuvenil que publicou varios libros entre os que destacan contos infantís ilustrados que gozan dunha moi boa acollida entre a cativada e varias novelas xuvenís nas que mestura fantasía e realidade coas que desfrutan pequenos e maiores. 

Co alumnado máis novo levará a cabo un contacontos seguido dunha pequena charla sobre o día das bibliotecas; e co alumnado dos cursos altos organizará dous pequenos obradoiros: un sobre como nace e se crea un libro e outro de escritura creativa.

Podedes adiviñar de quen se trata?🤔🤔

Ademáis, un ano máis, darémoslle saída ás mochilas viaxeiras que xa están listas para comezar a súa viaxe. Desexamos que desfrutedes coa selección de lecturas que van nelas.

DÍA DAS BIBLIOTECAS ESCOLARES

Como xa sabedes, o domingo 24 de outubro celebrouse o día das Bibliotecas Escolares e no colexio celebrámolo o xoves 21 coa visita de Diego O Calvorota e o seu espectáculo "Un rato máxico": un show interactivo de maxia educativa onde mestura o ilusionismo co contacontos e os títeres, fomentando a imaxinación e a participación, co obxectivo fundamental de animación á lectura. Así foinos contando varios contos: Nube Branca quere ser astronauta, O Patiño Feo, O Polbiño Darío ou O segredo de Misikuk entre outros e fíxenos uns trucos de maxia que nos deixaron abraiados.

 Ademáis tamén sacou algún voluntario como podedes ver nas fotos.

Despois da súa actuación, presentamos oficialmente a Faragullas. Foi un éxito!! Aquí tedes o vídeo do momento:

A continuación, o alumnado de 3º de EP xunto coa profe Cris e os máis pequenos do cole cantaron a canción que ela mesma compuxo para a ocasión. Pronto poderedes cantala todos, ESTADE ATENTOS!

Tamén repartimos o tríptico informativo da nosa biblioteca co funcionamento e as normas da mesma.

Tamén, puxemos en marcha as "mochilas viaxeiras": un neno/a de cada curso levou a mochila correspondente para a súa casa durante dez días. Asímesmo, retomamos a actividade "O meu diario de lecturas" para poder facer unha gran exposición a final de curso con todos os diarios.

Por último cada curso sacou unha foto con Faragullas.

Aquí vos deixamos algunhas fotos do día pero podedes velas TODAS no seguinte enlace: 

FOTOS E VÍDEOS DÍA DAS BIBIOTECAS.