Caixas Corentena!

 Xa temos case listas as nosas caixas-corentena para que os libros devoltos ou consultados queden en corentena polo tempo establecido. 

Preparáronse cinco caixas, unha por cada día da semana, así cada alumno/a colocará o material no día correspondente ao que están. Se devolven o libro o luns, meterano na caixa do luns; se o devolven o martes, meterano na caixa do martes... 

Isto axudará o equipo de biblioteca a colocar só os libros que xa pasaron a corentena.

Temos que darlle as grazas a varias alumnas de 6º de EP que axudaron na confección das caixas. Deixáronas preciosas!!

GRAZAS!!!

CADEIRAS NOVAS!!!!

E chegaron por fin as cadeiras novas!!! 

Alumando de 6º de EP foi o encargado de montalas e mirade que ben o fixeron!

 Quedaron perfectas! Moitas grazas rapaces!!

DÍA DO LIBRO!!!

O día do libro tivemos con nós a Pablo Nogueira, autor de varios libros infantís como "A Banda de Raimnuna" ou "Nube Branca e o Pingüín Valentín".

Fixemos uns preciosos murais para decorar o lugar onde nos ía contar os contos e quedaron moi bonitos. Temos uns artistazos no cole. Grazas a todos eles por tan marabilloso traballo.

Pablo contoulle ao alumnado de Infantil e primeiro ciclo de Primaria o conto "Nube Branca Quere Ser Astronauta". Gustoulles moito!!

Ao alumnado de 3º a 6º de EP contoulles o conto "A Banda de Raimunda". Ao remate adicoulle unhas palabras e asinoulle nuns documentos que eles mesmos prepararan para a ocasión. Tamén nos asinou os exemplares dos seus contos que temos na biblioteca do Faragullas.

Moitas grazas Pablo!!

MENÚS

 O alumnado de segundo ciclo de Primaria, dentro do proxecto PEQUECFEF confeccionou uns menús, en inglés, para cadanseu restaurante. Aquí vos deixamos o resultado por se queredes probar algúns dos seus pratos.