TORNEO DE XOGOS DE MESA

Este mes de Xaneiro estamos organizando un torneo de Xogos de Mesa na Biblioteca do Faragullas para primeiro e segundo ciclo de Primaria. 

Animádevos a participar e anotádevos ao torneo.

FESTIVAL NADAL

O último día de trimestre celebramos o Nadal con moita ilusión e participación por parte de todo o alumnado e profesorado do centro.

Comezamos cun festival de Nadal no que actuaron todas as aulas, ofrecendo cancións, bailes e representacións cheas de maxia e espírito navideño. A continuación, saímos ao Parque do Souto para cantar un panxoliña todos xuntos, levando a música e a alegría do Nadal tamén fóra das portas do colexio, e celebras cos 12 "gusanitos" da sorte o fin de trimestre.

Como sorpresa recibimos a visita especial do Apalpador, que percorreu as aulas repartindo castañas e desexos de boas festas.

Ademais,elaborouse unha árbore de Nadal xigante empregando bólas feitas coa cortadora láser cos nomes de todo o alumnado, profesorado e persoal do centro. Por outra banda, en colaboración coas familias organizouse unha exposición de bonecos de xenxibre; fixeron grandes obras de arte.

 Podes ver as imaxes e vídeos deste día tan especial picando a foto do Apalpador!

RECOMENDACIÓNS LECTORAS PARA NADAL 2025

 

XOGOS DE MESA

 O alumnado de 6º de Primaria, na materia Proxecto Competencial, fixo unha recompilación cos xogos de mesa do centro.

Premede na imaxe para acceder á información.

GALICIA MÁXICA

Dentro das actividades de Samaín e coordinado polo Equipo de Dinamización de Lingua Galega elaboraouse o libro "Galicia Máxica": cada curso elixiu un ser mitolóxico galego para facer unha pequena investigación e completar unha páxina do libro cooperativo que xa está na biblioteca do Faragullas para que poidades consultar.

Grazas a todos polo gran traballo realizado!

3 de decembro: día internacional das persoas con diversidade funcional

 

O 3 de decembro celebramos o Día da Diversidade Funcional, cunha sesión de contacontos a cargo do alumnado de 5º e 6º de Primaria. Estes foron os contos escollidos! 

Premede na imaxe para acceder á información!

 Un dos contos narrámolo coa técnica do kamishibai, novidade na nosa biblioteca.

 Aquí vos deixamos a presentación!

RESUMO DO MES DA CIENCIA EN GALEGO

Como xa sabedes, duurante o mes de novembro celebramos o Mes da Ciencia en Galego na Biblioteca do Faragullas, unha proposta para espertar a curiosidade científica do alumnado a través da experimentación e o xogo.

O alumnado de 5º e 6º de Educación Primaria, que forma parte do equipo de colaboradores da biblioteca, foi o encargado de preparar e explicar diferentes experimentos ao resto dos compañeiros e compañeiras durante os recreos.

Unha experiencia enriquecedora na que compartiron coñecementos, asumiron responsabilidades e, sobre todo, fixeron que a ciencia fose divertida e accesible para todos. Aquí vos deixamos un pequeno resumo:

Se facedes click na seguinte imaxe accederedes a algunhas das fotos da actividade: