NOVEMBRO: MES DA CIENCIA EN GALEGO

Desde a Consellería de Cultura, Lingua e Xuventude, en colaboración coa Consellería de Educación, Ciencia, Formación Profesional e Universidades vense impulsando a celebración anual do mes de novembro como o MES DA CIENCIA EN GALEGO NAS BIBLIOTECAS!

Desde a Biblioteca do Faragullas, sumámonos a esta iniciativa e en colaboración co alumnado voluntario de 5º e 6º organizamos unha serie de experimentos para levar a cabo nos leceres deste mes.

Todo o alumnado de Primaria poderá acudir a biblioteca no lecer para desfrutar dos experimentos escollidos para celebrar este mes. 

O alumnado de infantil terá unha sesión especial co alumnado voluntario ao remate do mes para que poidan gozar tamén da ciencia en galego na biblioteca.

PUNTO LARANXA

O alumnado de sexto de Primaria, fixo un traballo moi interesante sobre a loita contra o bullying. 

No corredor ao carón da súa aula amosáronnos os seus resultados acompañdos dunha seleccion de libros acerca deste tema que podemos encontrar na biblioteca do Faragullas. 

Ademais tamén nos recordan a importancia de non quedarse calado e anímannos a empregar o punto laranxa do centro ante unha situación de acoso.

PARABÉNS POLO TRABALLO REALIZADO!

SAMAÍN

O xoves pasado día 30 celebramos no centro o Samaín e a biblioteca albergou un dos sete obradoiros organizados para festexar o día: "Contos de Medo". Todos os grupos mixtos (con alumnado de todas as idades) foron pasando pola Biblioteca do Faragullas para escoitar e/ou ler uns contos. Os elexidos desta quenda foron "Os esqueletos divertidos" e "Un vampiro peligrozo". Se clicades nas portadas dos libros, accederedes a todas as imaxes do día.

Ademais xa levamos uns días coa exposición de libros aterradores no corredor da Biblioteca do Faragullas. 

Grazas aos colaboradores da Biblioteca por axudar na elaboración do mural que preside a exposición.

Ademais, quedou unha expoisicón moi creativa e orixinal de mouchos e curuxas grazas á colaboración das familias do alumnado.

DÍA DAS BIBLIOTECAS ESCOLARES

 Hoxe, 24 de outubro, celebramos o Día das Bibliotecas cunha visita moi especial: recibimos a Celso Sanmatín que nos contou un montón de historias cheas de misterio e emoción. É sempre un pracer telo con nós para que nos deleite coas seus contos. 

Tras escoitar os seus contos, realizamos a entrega das mochilas viaxeiras, unha por curso, que iniciarán o seu percorrdio por todas as casas do alumnado ao longo de do curso.

Tamén se organizou unha pequena exposición ao carón da porta da Biblioteca do Faragullas para conmemorar este día.

DÍA DAS ESCRITORAS

Con motivo do Día das Escritoras, o equipo de biblioteca organizou un obradoiro 
moi especial por ciclos na biblioteca do Faragullas. 

Durante cada sesión, coñecemos mellor ás escritoras que temos nos fondos da nosa biblioteca, descubrindo as súas obras e aprendendo máis sobre as súas vidas e contribucións. Un xeito enriquecedor de celebrar a lectura e a igualdade a través da palabra escrita.

En Educación Infantil organizouse a actividade "Coñecendo a Paula Carballeira": Traballaron o conto "Paco"da escritora galega. Cada neno/a tiña que escalar polas espaldeiras do ximnasio para conseguir unha letra e así poder construír o nome da escritora e o título do conto debaixo da súa foto. Posteriormente e facendo honor ao seu apelido, contaron o conto na carbelleira que hai no cole. 😍😍

En 1º ciclo 

En 2º e 3º ciclo, a actividade consistiu nun xogo cooperativo no cal tiñan que atopar libros e as autoras dos mesmos a partir dunha pequena ficha con pistas para encontralos. Pasárono moi ben investigando sobre as escritoras!

Clicando na última fotografía, accederedes a todas as imaxes do día.

COLABORADORES VOLUNTARIOS

 Neste curso case a totalidade do alumnado de 5º e 6º prestouse voluntario como colaborador na biblioteca do Faragullas. Organizáronse os leceres por quendas de dous e en cada recreo acoden á biblioteca para colaborar con diferentes tarefas relacionadas coa biblioteca!!

MOITÍSIMAS GRAZAS RAPAZADA!👏👏👏

COÑECENDO A BIBLIOTECA DO FARAGULLAS

 Hoxe repartiuse a todas as familias o tríptico informativo da Biblioteca do Faragullas.