Esta semana, o alumnado de 2º e 3º ciclo participou, dentro das actividades desenvolvidas con motivo do día da muller e a nena na ciencia, nun obradoiro baseado no programa #DeMayorQuieroSer da Fundación Cibervoluntarios. A través de retos interactivos, exploraron como a Ciencia, a Tecnoloxía, a Enxeñaría, a Arte e as Matemáticas (STEAM) poden cambiar o mundo.
Hoxe celebramos o día da muller e a nena na ciencia e xa tedes preparada unha pequena mostra de fondos que podedes atopar na biblioteca sobre diferentes mulleres e nenas científicas. Ademais o alumnado de 5º de primaria organizou un panal composto por datos moi interesantes de diferentes mulleres científicas galegas.
Un gran traballo de investigación!!
Para conmemoralo hoxe tivemos a visita da Asociación As Curuxas que, durante as sesións realizadas cos diferentes ciclos, nos mergullaron nas vidas e nos logros de diferentes mulleres científicas que, a pesar das dificultades conseguiron deixar unha pegada imborrable no mundo da ciencia.
Se clicades na última imaxe accederedes ás fotografías do día.
Como xa fomos contando noutros post, o patio de filas reconverteuse nunha extensión da bibioteca que se empregará fundamentalmente nos leceres de chuvia pero tamén co mestre-titor. Temos ao lado da porta do ximnasio, a ludoteca que conta cunha selección de xogos moi ampla e todas as materias. Na cima dos dous tramos de escaleira uns bancos con pinturas para desenvolver a nosa creativadade. No lateral están o Recuncho Violeta e o Recuncho de xogos de construcción e por último a carón da ventá do comedor, temos unha selección de xogos máis dinámicos.
