EXPOSICIÓN DÍA DA PAZ 2025

 Acércase o Día Escolar da Non Violencia e da Paz e a Biblioteca do Faragullas xa ten preparada unha exposición á entrada da mesma. Ademais o cole está organizando un montón de actividades para celebrar este día. Estade moi atentos. 😉

BIBLIOPATIO

 E coma nos últimos cursos, Bibliopatio volveu cun montón de libros para explorar no lecer. 

Agardamos que gocedes coas lecturas escollidas desta volta.

FORMACIÓN DE USARIOS

Este curso, organizamos as formacións de usuarios no comezo do segundo trimestre e actualizamos as presentacións utilizadas para cada ciclo: Aquí as deixamos para que poidades volver a velas e preguntarlle aos mestres do equipo de biblioteca por se tiverades algunha dúbida.

FORMACIÓN USUARIOS INFANTIL

FORMACIÓN USUARIOS 2º E 3º CICLO

FORMACIÓN USUARIOS PRIMEIRO CICLO

Celebramos o Nadal

E xa case remata o ano... Esta foi a postal realizada para felicitar as festas a toda a comunidade educativa elaborada a partir de dúas fotos: unha coas creacións feitas polo alumnado e as súas familias de diferentes tipos de folerpas que adornan a entrada ao colexio e outra coa árbore de Nadal decorada con diferentes motivos relacionados co 50 aniversario do centro que tamén preside a entrada ao centro.

Este curso para festexar estas datas organizamos un minifestival de Nadal: 

- O alumnado de 4º, 5º e 6º de Primaria organizou cadansúa coreografía que representaron no patio interior. 

- A continuación, todo o centro bailou "A Danzo do Oso".

- Finalmente pasamos ao ximnasio para poñer en escea as diferentes actuacións organizadas pola mestra de música: 

• O alumnado de 1º e 2º representou "Can can de Offenbach"
• O alumnado de 3º e 4º representaou "Marcha Radetzsky"
• Coas luces apagadas todo o centro interpretou a panxoliña "Folerpiña" (o alumnado do 3º ciclo tocaba percusión) cunha posta en escea impresionante na que todo o alumnado tiña luceciñas que ía movendo ao ritmo da canción.

Para rematar o trimestre, dirixímonos ao Campo do Souto para comer as 12 uvas acompañados por moitas familias e diferentes membros da comunidade educativa. Ademais volvimos bailar a Danza do Oso e cantamos Folerpiña. Foi algo diferente pero moi especial que xuntou a toda a comunidade educativa nun acto moi emotivo e divertido.

Se clicades na postal podedes acceder a todas as imaxes e vídeos da celebración:

FELIZ 2025!

RECOMENDACIÓNS NADAL 2024

 Como cada curso deixámosvos unhas posibles lecturas moi interesantes para que poidades engadir na vosa carta a Papá Noel, aos Reis Magos ou ao Apalpador.

BOAS FESTAS!!

Exposición Nadal

Aquí vos deixamos unha selección de libros relacionados co Nadal que podedes atopar diante da porta da biblioteca do Faragullas! Esperamos que vos gusten!!

Día Internacional das Persoas con Discapacidade

Hoxe, 3 de decembro é o día Internacional das Persoas con Discapacidade e desde a Biblioteca do Faragullas quixemos promover a súa inclusión e participación activa na sociedade cunha selección de lecturas moi interesantes para concienciar sobre a importancia destas persoas. Podedes consultalas todas ao carón da porta da nosa biblioteca.