Festival de Nadal

O último día de curso organizamos unha xornada moi especial na que todos gozamos moito das actividades programadas.

Comezamos cun minifestival de Nadal presentado por Inés e Mateo de 5º de EP:

Todo o alumnado, coordinado pola profe Rebeca, cantou e bailou a canción "En Navidad" de Rosana.

Os primeiros en actuar foron os pequechos de infantil que o fixeron xenial.

O alumnado de primeiro bailou a canción "Llegó la Navidad" de Generación Escogida e Ozuna

O alumnado de 2º de EP coreografiou a canción "Feliz" da película "El Grinch"

O alumnado de 3º bailou coa canción dos Pica Pica "En Navidad, turrón y mazapán".

O alumnado de 4º moveu o esqueleto con Zumba Kids

Ademáis, houbo dúas coreografías preparadas por alumnado de 3º e 4º por unha banda e de 5º e 6º por outra. Son uns auténticos artistas.

Ao rematar o lecer, houbo sesión de cinema de Nadal e pola tarde comemos as uvas/gusanitos simulando as badaladas de fin de ano co seu posterior baile!! 

Pasámolo xenial!!

PODEDES ACCEDER A TODAS AS FOTOS DO DÍA PICANDO NESTE ENLACE.

Recomendacións lectoras Nadal 2023

Por aquí vos deixamos as Recomendacións Lectoras para este Nadal para que lle pidades os libros que máis vos gusten a Papá Noel, ao Apalpador e aos Reis Magos. 

Gozade coas lecturas!!💕

ÁRBORE DE NADAL E ESTRELAS

 Este ano para a decoración de Nadal, pedimos a colaboración das familias para elaborar estrelas. Coma sempre, trouxeron auténticas obras de arte. 

MOITAS GRAZAS POLA VOSA COLABORACIÓN! 👏👏

As  estrelas colocáronse nun recuncho do patio cuberto á beira dunha árbore de Nadal de madeira que foi elaborada polo profe Alberto. 

GRAZAS! 😊

A árbore foi decorada con postais feitas polo alumnado imitando as portadas de libros relacionados co Nadal que podemos atopar na biblioteca do Faragullas e a carón da árbore colocáronse uns agasallos cos nomes dos autores de ditos libros. Así, seguimos traballando co noso proxecto sobre escritores e escritoras dos nosos contos vinculándoo coa decoración de Nadal. 

Cada clase traballou tres libros (postal/portada e agasallo/autor)

- 4º e 5º de Infantil: 

"Cando Martiño tivo ganas de mexar na noite de Reis"- José Mª Heras Varela

"Un agasallo para Naturizo" - Alba de Evan e Xabier Domínguez 

"¿Cómo baja Papá Noel por la chimenea?" - Mac Barnett

- 6º de Infantil:

"Óscar, o unicornio, cómese o Nadal" - Lou Carter

"Unha casa para o inverno" - Alba de Evan e Xabier Domínguez

"O Nadal de Ernesto e Clementina" - Gabrielle Vincent

- 1º de EP

"Cómo atrapar a un elfo" - Adam Wallace

"Sempre Nadal" - Desirée Acevedo

"Feliz Narvidad" - Ben Clanton

- 2º de EP

"La Navidad de los Cinco" - Enid Blyton

"Mortiña: o amigo pantasma" - Bárbara Cantini

"O Apalpador e a nena sen medo" - Celtia Figueiras

- 3º de EP

"Contos de Nadal" - Manuel Rivas

"El muñeco que anunció la Navidad" - Jesús Ballaz

"Te regalo mi cumpleaños" - Seve Calleja

- 4º de EP

"Papá (Noel) Bruce" - Ryan T. Higgins

"Es Navidad Stilton" - Elisabeta Dami

"Perro apestoso: Feliz Navidad" - Gutman Colas

- 5º e 6º de EP

"Noche de Paz o casi" - Jordi Sierra i Fabra

"Los trapos sucios (Manolito Gafotas)" - Elvira Lindo

"Noite de Reis en Kalpankalá" - Xosé A. Perozo

Exposición: Lecturas de Nadal

 

Xa temos, na entrada da biblioteca, unha selección de lecturas relacionadas coa época na que nos atopamos: O NADAL.

Animádevos e gozade delas. Hai unha grande variedade!!

25N: Nin un biquiño á forza (rematado)

 O luns conmemoramos o 25N, día internacional para a eliminación da violencia contra a muller.

Comezamos pegando os nosos bicos e as nosas mans de rexeitamento no mural que xa tiñamos colocado na entrada do colexio e quedou fermoso. 😍

Depois, todos xuntos no patio das filas cantamos e tocamos con percusión a canción "E ti, só ti" de el Diluvi con SÉS. O alumnado de infantil empregou pulseiras de cascabeis, o de primeiro ciclo empregou baquetas, o de segundo ciclo usou claves e o de terceiro ciclo tocou as maracas.

 Somos uns artistas!!!🥳🥳

Se picades na foto do mural podedes acceder a todas as fotos do día:

Experimentos no mes de Novembro (Mes da Ciencia en Galego nas Bibliotecas)

 Ao longo de todo este mes de novembro, o alumnado de 5º e 6º realizou diversos experimentos con motivo do Mes da Ciencia en Galego nas Bibliotecas. 

Comezaron estas sesións cantando a canción do método científico:

Aquí vos deixamos os diferentes experimentos para que poidades intentalos na casa!!!

Aquí vai o seguinte:

E un pequeno vídeo co resultado:

E para finalizar esta rolda de experimentos, aquí vos deixamos outro con auga:

25N: NIN UN BIQUIÑO Á FORZA

 Hoxe 25 de Novembro é o "DÍA INTERNACIONAL DA ELMINACIÓN DA VIOLENCIA CONTRA A MULLER".

No cole xa temos preparada a exposición cos diferentes contos e documentos que tratan sobre esta temática.

Nestas últimas semanas estivemos traballando o conto "Nin un biquiño á forza" nas diferentes aulas e este tamén foi o lema elexido para o mural deste curso. O luns remataremos de elaboralo cos diferentes bicos e mans que decoraron todos os alumnos e alumnas do centro. 

Temos que agradecer ás alumnas voluntarias de 4º, 5º e 6º de EP que estiveron confeccionando dito mural nos diferentes leceres. 
MOITAS GRAZAS RAPAZAS!! SODES UNHAS ARTISTAS!!! 👏👏💕💕