FOTOS ENTROIDO

Aquí vos deixamos algunhas imaxes da celebración do Entroido que, por mor das condicións climatolóxicas, tivemos que realizar no cole. Se clicades nesta primeira imaxe do mural, poderedes acceder a todas as fotografías do día e tamén a algún vídeo do noso peculiar desfile coa batucada preparada pola profe Rebeca 🎉🎉🎉🎉🥳🥳🥳.

Tivemos personaxes de conto do máis variopinto, desde Peter Pan ao lobo de moitas historias pasando polos personaxes de Alicia no país das Marabillas ou O Mago de Oz, o Gato con Botas ou Robin Hood entre outros. Clicade no mural e non vos perdades ningún.

E estade moi atentos porque en breve, subiremos o vídeo íntegro do desfile/pasarela que fixeron todos os nenos e nenas do cole. Son uns auténticos artistas!!!!

11F: Día da muller e a nena na ciencia

Hoxe celébrase o Día Internacional da Muller e a Nena na Ciencia e na porta da biblioteca xa temos unha selección de lecturas preparadas para poder traballar á volta do Entroido. 

Por outra banda, o coordinador de Polos Creativos achegou varias actividades aportadas pola Consellería para traballar neste día. Algunhas destas propostas serán realizadas a partir da próxima semana para lograr seguir concienciando sobre a importancia de lograr o acceso e a participación plena e equitativa na ciencia para as mulleres e as nenas, e lograr a igualdade de xénero e o empoderamento das mulleres e as nenas.

FOTOS DÍA DA PAZ

Se clicades na foto do mural elaborado para o Día Escolar da Paz e a NON Violencia poderedes acceder a todas as imaxes da celebración:

PANCARTA ENTROIDO 2024

Alumnado voluntario de 3º, 4º, 5º e 6º leva semanas traballando na pancarta para o Entroido co lema

CONTA E VOLVE CONTAR, ESTE É O CONTO DE NUNCA ACABAR

Levaron moitísimo traballo e puxeron todas as súas forzas para que estivese listo para hoxe e quedou.

UNHA AUTÉNTICA OBRA DE ARTE 😍😍😍

PARABÉNS POLA VOSA DEDICACIÓN, CREATIVIDADE E O GRAN TRABALLO REALIZADO!!👏👏👏👏

MUV

O pasado mes de xaneiro tivemos a sorte de contar no noso colexio co MUV (museo virtual), unha inciativa da fundación María José Jove que pretende achegar a arte e a cultura ás escolas do rural dun xeito interactivo a través das novas tecnoloxías. Aínda que a variedade de actividades que se levaron a cabo ían dirixidas ao alumnado de infantil e primeiro ciclo de primaria, todo o alumnado e profesorado do centro puido experimentar co museo virtual e coas gafas de realidade virtual. Se clicades nesta primeira foto, accederes a máis imaxes das actividades.

Mandas do Meco (2024)

 Hoxe remataron as mandas do Meco deste curso cunha gran participación de todo o alumnado e profesorado e por suposto de Faragullas. Aquí o temos con cada unha das mandas que ían tocando e o último día con todos as clases do cole. 😍😍😍

Día 1: Que non se che esqueza, como Carapuchiña ou Peter Pan, pon algo na cabeza

Día 2: Se a Ratiña Presumida queres imitar, á escola cun gran lazo has chegar.

Día 3: No frautista de Hamelín te converterás e un instrumento ao cole traerás.

Se coa bruxa dos contos non queres coincidir, todo colorido terás que vestir.

4º e 5º de EI:

6º de EI:

1º de EP:

2º de EP:

3º de EP:

4º de EP:

5º e 6º de EP:

Poemas pola PAZ

 Aquí vos deixamos os poemas pola PAZ recitados polo alumnado do cole acompañados ao teclado pola profe Rebeca. No final do video, todos xuntos bailan A SAMBA DA PAZ.