OBRADOIRO "MINIBOOKS" SAMAÍN

O venres, día 29 de outubro, celebramos Samaín. O colexio estaba decorado para a ocasión e as portas das aulas tamén estaban aterradoras. Organizamos diferentes obradoiros para todos os cursos: 

- Obradoiro de baile de Samaín

- Obradoiro de máscaras aterradoras.

- Obradoiro do Túnel do terror

- Obradoiro de xogos terroríficos

- Obradoiro de "Minibooks" de Samaín.

Para rematar o día organizouse por cursos un visionado de curtas / película de medo.

Aquí vos deixamos as fotos do obradoiro de "Minibooks" e pasádevos pola páxina web do cole (ou picade neste enlace: fotos Samaín) para ver o resto de fotos.

  

  

  

  

  

  

  

  

  

  

  

OBRADOIRO DE CHAPAS DE SAMAÍN

 Aquí vos deixamos algunhas fotos do obradoiro de Chapas que fixemos nos leceres na semana de Samaín. Quedaron realmente aterradoras!!!

 

  

  

 

INVITACIÓN AO OBRADOIRO DE CHAPAS DE SAMAÍN E EXPOSICIÓN LECTURAS ATERRADORAS

 Xa temos todo listo para festexar SAMAÍN e Faragullas, sentado ao carón das recomendacións lectoras aterradoras, invítamos a todos a vir nos leceres facer a vosa propia chapa de Samaín. Animádevos!!

TRÍPTICO DA BIBLIOTECA DO FARAGULLAS

E CHEGOU FARAGULLAS!!!

Hoxe, domingo 24 de outubro, celébrase o día das Bibliotecas Escolares. No colexio celebrámolo o xoves pasado e ademáis doutras actividades, por fin, presentamos a Faragullas. Aquí vos deixamos unhas fotiños de Faragullas e tamén o folleto informativo que repartimos para todas as familias da nosa remoledada biblioteca. Estade moi atentos que axiña subiremos as fotos dese día.

** Moitas grazas a todo o profesorado que fixo posible que Faragullas se fixera real, e agradecer sobretodo á profe Cris e á súa nai, que enseguida se puxo mans á obra cando lle pedimos que confeccionase o boneco.

A PREHISTORIA

 O alumnado de Infantil está traballando no proxecto da Prehistoria contando sempre coa colaboración da biblioteca. Mirade que expositor de libros máis completo lles quedou no seu recuncho de proxectos!!

COLABORADORES DA BIBLIO

 Xa temos todo preparado para que os voluntarios de 5º e 6º veñan por quendas a colaborar na biblioteca nos leceres!!! MOITAS GRAZAS POLA VOSA AXUDA!!