Preparándonos para o Entroido

 Ao carón da porta da biblioteca xa tedes unha selección de recursos para ir preparando o Entroido.

Agardamos que vos gusten e os desfrutedes!🎉🎉

FOLLATEIROS

Aproveitando que xa estamos de cheo co Entroido e que o alumnado de Infantil está a facer un proxecto sobre o Entroido galego, tivemos o pracer de recibir aos Follateiros de Lobios, un grupo que mantén viva unha das tradicións máis características da nosa cultura.

Durante a súa visita, explicaron aos nosos estudantes os orixes e a importancia do seu disfraz,os materiais cos que se confecciona, o proceso de elaboración e as peculiaridades do mesmo.

Se clicades na imaxe, veredes todas as fotos do día:

MANDAS DO MECO

E para rematar, unha grinalda para decorar:

E para o mércores, unha candea para soprar:

Seguimos a semana co gorro festeiro:

Hoxe comezamos a semana do Entroido coas mandas do meco. 🎉🎉

 Faragullas xa está preparado na porta esperándovos co seu lazo:

FELIZ DÍA DE ROSALÍA DE CASTRO

 Hoxe, 23 de febreiro celebramos o día de Rosalía de Castro. No centro xa temos unha pequena exposición organizada á entrada da biblioteca relacionada con esta gran muller galega.

Ademais festexaremos o seu día no cole o próximo 11 de marzo xunto co Día da Muller (8 de marzo), co Día da Poesía (21 de marzo) e coa Semana da Prensa (do 10 ao 16 de marzo).

21 de Febreiro 2025: Día da Lingua Materna

Hoxe, día 21 de febreiro celébrase o Día da Lingua Materna e para conmemoralo o alumnado de 5º de EP organizou unha exposición na porta da biblioteca coas súas recomendacións lectoras na nosa lingua para os diferentes cursos. 

Moitas grazas rapazas e rapaces!!!

CALDO DE GLORIA 2025

O próximo 23 de febreiro conmemoramos o día de Rosalía de Castro. Por este motivo, todo o alumnado baixou a primeira hora ao comedor para descubrir O Caldo de Gloria, un prato  humilde pero cheo de historia. 

O noso equipo de cociña amosoulle paso a paso como se prepara esta receita tradicional, inspirada no poema de Rosalía recollido en Follas Novas. Con ingredientes sinxelos e moito agarimo, explicou o significado deste caldo na cultura galega e na obra da autora. Despois da súa elaboración, todo o centro degustou o Caldo de Gloria na hora de comer. 

Estaba boísimo. Grazas por todo, Esteban e Teresa.

Se clicades na imaxe accederedes a todas as imaxes do día: 

Día da muller e a nena na ciencia 2025 . Obradoiro Cibervoluntarios

 Esta semana, o alumnado de 2º e 3º ciclo participou, dentro das actividades desenvolvidas con motivo do día da muller e a nena na ciencia, nun obradoiro baseado no programa #DeMayorQuieroSer da Fundación Cibervoluntarios. A través de retos interactivos, exploraron como a Ciencia, a Tecnoloxía, a Enxeñaría, a Arte e as Matemáticas (STEAM) poden cambiar o mundo.

DÍA DA MULLER E A NENA NA CIENCIA 2025

Hoxe celebramos o día da muller e a nena na ciencia e xa tedes preparada unha pequena mostra de fondos que podedes atopar na biblioteca sobre diferentes mulleres e nenas científicas. Ademais o alumnado de 5º de primaria organizou un panal composto por datos moi interesantes de diferentes mulleres científicas galegas. 

Un gran traballo de investigación!!

Para conmemoralo hoxe tivemos a visita da Asociación As Curuxas que, durante as sesións realizadas cos diferentes ciclos,  nos mergullaron nas vidas e nos logros de diferentes mulleres científicas que, a pesar das dificultades conseguiron deixar unha pegada imborrable no mundo da ciencia. 

Se clicades na última imaxe accederedes ás fotografías do día.

Mandados do meco 2025

 

AS NOSAS CANTIGAS. LETRAS GALEGAS 2025

 O alumnado de 6º de educación Primaria vainos a presentar unha actividade programada para o Día das Letras Galegas na que imos a participar toda a comunidade educativa. Para isto fixeron un vídeo no que nos contan a quen se adica este ano esta celebración así como a idea que tivemos para facer na casa.

ENLACE AO VIDEO