Feliz día da muller

CHARLA SOBRE IGUALDADE

O alumnado de 4º, 5º e 6º de Educación Primaria participou hoxe nunha interesante charla impartida por Laura Seara, exsecretaria de Estado de Igualdade.

Durante o encontro, o alumnado puido reflexionar sobre a importancia da igualdade entre mulleres e homes, así como sobre valores fundamentais como o respecto, a convivencia e a construción dunha sociedade máis xusta.

 

DÍA DE ROSALÍA

FELIZ DÍA DE ROSALÍA DE CASTRO!

Xa tedes na porta da biblioteca unha selección de recursos relacionados co Día de Rosalía de Castro que como xa sabedes, se celebra hoxe, día 23 de febreiro.

Adxuntamos tamén un recurso adaptado ao alumnado para traballar este día:

PDF CUNHA PEQUENA BIOGRAFÍA, POEMAS E ACTIVIDADES

ENTROIDO 2026

Para celebrar o Entroido, este ano cole de Amoeiro reuníuse con outros colexios e agrupacións da zona nunha xornada chea de cor, música e tradición.

Este curso, a temática foi “O Rural Galego”, unha homenaxe ás nosas raíces, ás tradicións e ao valor do campo na nosa terra. O alumnado participou no desfile lucindo os seus disfraces con moita ilusión e creatividade.

Foi un día de convivencia, alegría e identidade compartida no que, sen dúbida, o pasamos moi ben.

Podes ver as fotografías deste  día e tamén as fotografías dos mandados do Meco ao clicar no mural que elaboramos para esta celebración:

Obradoiro Entroido-Máscaras

O obradoiro realizado a semana pasada de máscaras de Entroido onde todo o alumnado de infantil e primaria tivo a oportunidade de decorar a súa PANTALLA de XINZO foi todo un éxito e estes foron os marabillosos resultados. Parabéns a todos os artistas!!

DÍA DA MULLER E A NENA NA CIENCIA

Hoxe, 11 de febreiro, é o Día da Muller e a Nena da Ciencia.

Ao carón da porta da Biblioteca do Faragullas temos unha pequena exposición sobre este día. 

Cada curso vai traballar na súa titoría sobre este día e ademais, tamén vos deixamos diferentes enlaces a variedade de recursos:

21 CIENTÍFICAS GALEGAS: REPORTAXE sobre 21 científicas galegas que todos deberiamos coñecer.

11 DE FEBRERO ORG: PÁXINA WEB con gran variedade de materiais para traballar.

RECURSOS VARIADOS: cadernos de experimentos, debuxos, científicas, presentacións, fichas, murais

GENIALLYs VARIADOS: 

    CEIP FERMÍN BOUZA BREY

    CEIP DE CELEIRO

    IES DE BRIÓN

ATRÉVETE A PESCUDAR CON ELAS!: VIDEO no que investigadoras da Universidade da Coruña achegan o mundo da investigación ao ámbito educativo, compartindo non só a súa traxectoria científica e profesional, senón tamén vivencias persoais e anécdotas que buscan espertar a curiosidade e o interese pola ciencia e pola carreira investigadora.

 

VIDEO EFECTO MATILDA: #NO MORE MATILDAS

DOCE MULLERES QUE TRANSFORMARON A CIENCIA

(VIDEO DO CEIPVIRXEDOROCIO DE VIGO)

MANDADOS DO MECO

E coma todos os anos chega o Entroido cos "Mandados do Meco": 

LUNS: 

Se no colexio queres entrar, 

sombreiro de palla ou pano has de levar.

MARTES: 

Viste mandil ou roupa de aldea, 

que hoxe traballamos arrea.

MÉRCORES:

Se elegante queres ser, 

camisa de cadros ou chaleco has de poñer.

XOVES:

Se os pés non queres mollar, 

botas ou zocos has de calzar.

VENRES:

E xa para rematar...

co teu disfraz vas impresionar!